嚟咗杜拜，好多朋友都問我呢喥係咪無豬肉食。其實，我哋係有豬肉食㗎。而且豬肉亦都無大家想像中咁難買。喺話俾大家知道邊喥有豬食之前，不如我哋先去了解下點解穆斯林佢哋唔食得豬！

  首先，《古蘭經》中指出不潔嘅食物有三種：1）自死物/腐肉，2）血液，3）豬肉。豬被視為低等嘅動物，愚笨和污穢，是唯一被點名不能吃的動物。豬嘅生活區域骯髒，食用嘅飼料也是污穢的，不能與草食類動物相比。從現代醫學嘅角度來說，其實戒律明文禁止食豬不無道理，要知道，伊斯蘭教誕生嘅地區，無論是氣候還是自然條件不都適合養豬，因為豬是很多疾病嘅宿主，豬身上嘅病毒細菌和寄生蟲最容易傳染給人。人在受到感染後就像是被神鬼附身，尤其在醫學不發達的遠古時候，沒有先進嘅醫學去解釋和醫治那些傳染疾病，人們自然就很容易朝迷信的方向去想。更重要的是，阿拉伯人是遊牧民族，養豬需要固定場所，而且豬不容易放養，遷徙的話，豬也難遷走，自然不好養豬了。再來，豬是雜食性動物，相對牛羊來說，食得雜亂，在熱帶荒漠氣候下難飼養；性子和牛羊駱駝相比，也不那麼溫順容易管理，甚至可以說是兇猛的。由此可見，處於自然條件、飼養習性和衛生等習慣，中東地區的人並不適合養豬和吃豬肉，自然地也就開始排斥豬肉，久而久之形成咗厭惡豬嘅習俗，然後你會發現從中東發源嘅宗教都帶有厭惡豬的宗教情緒。

  不過，穆斯林自己唔食豬肉，唔代表佢哋會阻止其他人食豬肉。雖然，絕大部分嘅餐廳都無提供含有豬嘅菜式。好似連大型台式餐館 “鼎泰豐”，你都唔會搵到豬仔嘅蹤影。（我最愛的紅油炒手，豬肉雲吞也變成了蝦肉雲吞。）我相信呢個係同餐廳自身嘅市場定位有關。就係想打入中東市場，吸引當地人消費嘅餐廳就不會有豬肉，要知道，打從娘胎出來就不吃豬肉的客人聞到隔離檯陣豬肉味，感覺一定不好受，無論食物幾好味，應該都唔會再光顧。

   而對於那些想售賣任何豬肉製品嘅餐廳或者係超級市場是需要申請豬肉相關嘅牌照，並承諾用專屬嘅貨車或者特別裝置去裝載豬肉製品。再來，杜拜無論大型或者小型嘅超級市場，都會有專門一個區域售賣豬肉製品。小型嘅超級市場，豬肉製品嘅售賣種類就通常比較少，大多都是排骨啊、豬肋骨等冰鮮肉。而大型嘅超級市場，例如Dubai Mall內嘅Waitross（好似香港嘅Taste)，你唔單止可以搵到排骨、豬扒同豬腳等嘅肉類，你仲可以搵到頂級西班牙火腿、德國香腸，醃肉仲有豬肉乾…… 如果你真係一個無豬不歡嘅人，你根本唔使擔心會喺杜拜生存唔到。

   搬咗嚟杜拜好幾年，未覺得我嘅飲食習慣有好大嘅受限。或者係因為，我唔係一個精於廚藝嘅人，多數落廚，我都係偏向蔬菜類。所以，豬唔豬呢家嘢，我感覺唔到對我有咩大影響。反而係出街食中菜嘅時候，有啲原本係豬嘅菜式變咗雞或者係蝦，味道的確好似係爭咁啲。但係，我頂籠一個月外出食中菜兩至三次，而且除咗豬，仲有其他菜式可以揀，所以真的還好。基本上，只要我可以買到豬骨，間中煲下青紅蘿蔔粟米豬骨湯，就已經心滿意足了。