【杜拜生活】 杜拜係咪人人都有四個老婆?!

唔好話我啲朋友,我自己都非常好奇,究竟係咪人人都有四個老婆?!出街成日見到中東爸爸一拖幾,我眼望望,心裏默默生出一個個問號: “嘩~究竟係咪個個都係佢老婆?”

     唔好話我啲朋友,我自己都非常好奇,究竟係咪人人都有四個老婆?!出街成日見到中東爸爸一拖幾,我眼望望,心裏默默生出一個個問號: “嘩~究竟係咪個個都係佢老婆?” “係咪個個中東爸爸都係韋小寶呢?” “成班女人一齊出街食飯,究竟佢哋係咩Share同一個老公呢?” “咁話題可以講啲咩呢?” “又可唔可以一齊鬧個老公呢?” “杜拜啲Emiratis(阿聯酋本地人)真係人人都有四個老婆?”

     首先, 一個社會嘅運行機制通常分為三個體系:分別為宗教,法律和社會習俗。我們現在就先從這三個方面討論下。

     宗教上,伊斯蘭教是允許男性娶最多四個妻子。唯一條件係,必須一視同仁,從衣食住行以至金錢花費,都不能大細超。真主說:“若你不能保證能對四位妻子一視同仁(心理上也應做到),那你只能娶一位妻子,否則將在審判日受到處罰。”

     法律上,阿聯酋是允許國民娶四個老婆的,首要條件係你係穆斯林,其次當然係遵守《古蘭經》教義——同等對待四位妻子。換句話說,法律上娶四個老婆是可以的,但若其中一個老婆認為你偏心,佢係絕對有權將你告上法庭,令你傾家蕩產!再者,你要準備四套房子安置每個老婆,想同一屋簷下享盡齊人之福?問下幾位老婆得唔得先囉~ 

     社會習俗上究竟係咪真係人人都娶四個老婆呢?!大家睇完以上兩點心中都應該有個數吧?!有次我班機上有個好健談嘅沙地男人,年約三十出頭,曾在美國留學,見佢咁多嘢講,我膽粗粗問佢,“請問你有幾多個老婆啊?” 位沙地先生聽完大笑,“我未結婚㗎!不過我只會娶一個老婆。” “喔!點解呢?” “因為無錢啊!哈哈哈…… 而家娶四個老婆其實唔普遍,我阿爸都係娶咗我阿媽一個。一嚟錢啦;二嚟,觀念有所改變,覺得一個老婆就夠。”  想一想,也是啊!買一個愛馬仕包包同買四個愛馬仕包包嘅分別,一人一個,不如買一個老婆收曬4個包包算!所以話,有錢就無問題,無錢就很大問題啊!

   

    呢位沙地乘客可能只係一個個別例子,可惜我身邊無Emirati嘅朋友可以俾我再問。但係我相信一人四妻呢個情況其實我無哋想象中咁普遍。據調查顯示,阿聯酋有四分一嘅已婚男人係有兩個老婆,擁有三至四個老婆嘅人其實很罕見,縱使有經濟能力。因為不單係財產上,要公平對待,丈夫更要公平分配陪伴時間,除非妻子同意丈夫去陪伴其他人,若果日後妻子想要返“借出”的時間,而丈夫拒絕的話,妻子也是有權用此作為離婚的理由。由此可見,若要做韋小寶,不單要有何鴻燊嘅財庫,超人嘅體力,仲要有用不盡嘅時間啊!

    睇怕想要娶四個老婆而移居杜拜嘅男士夢想要落空了!那不介意做個全職主夫,娶個穆斯林女人在家享福又如何?我已經幫各位男士做好了資料蒐集,若果穆斯林女人要嫁外國人,新郎需要出示證明顯示自己信奉伊斯蘭教,不然,法律上是不允許這樁婚姻的。再者,穆斯林女人結婚要得到爸爸/監護人同意,爸爸要同意女兒放棄信仰和國籍和非穆斯林的外國人結婚,我只能說機會看來很微呢!

資料來源:

http://www.discover-dubai.ae/general-info/2809/why-can-men-have-more-than-one-wife

https://u.ae/en/information-and-services/social-affairs/marriage

Leave a comment